ஆர்த்தி பாலாஜி..!

சிறுபுன்னகை, செவ்விதழ் சிந்தும் பொடி முத்தங்கள், கைவிரல்தனின் கொடி வருடல்கள், இடையில் இடற்படுகையில் சிறு அழுத்தங்கள், இமையிரண்டும் சிமிட்டா நொடி பொழுதுகள், மார்போடு மதியிழந்து மயங்கும் நிமிடங்கள், தேகத்தனல்தனில் சுகங்காணும் அங்கங்கள், கண்ணக்கதுப்பு காட்டிக் கொடுக்கும் நேரங்கள், உன் கைவளைக் காவலுக்குள் சிக்கி சிணுங்கும் நாட்கள், அனைத்தும் அணுவும் மறவாது அழகாய் சேர்த்திருக்கிறேன்...! அசைபோடும் போதெல்லாம் உன் மடியில் சாய்ந்து இருக்கிறேன் 😘😘😘

ஒரு நாள் வரும், இதுவரை பொருத்த மனம், புதைத்த காயங்களை ஒருங்கே வெளிக்கொணர்ந்து ஒப்பாரி வைக்கும்.. இதுவரை தாங்கிய அவமானங்களும், கவலைகளும் தன்னை மீறி ஒன்றோடொன்று போட்டிப் போட்டு எது பெரிதென நிரூபித்துக் கொண்டிருக்கும்.. இது நாள் வரை வாய்ப்பும், வாய்தாவும் கொடுத்து வந்த காதல் மனம் மொத்தமாய் தீர்ப்பு வரைந்து மெளனமாய் காத்திருக்கும்... அன்று காதல் புரிந்ததும், அவன் முன் தன் கர்வம் இழந்ததும் எண்ணி இன்று தன்னையே கூண்டில் ஏற்றி கெக்களிக்கும்... செய்த தவறையே மீண்டும் செய்து அதற்காக வேண்டப்படும் மன்னிப்புகள் சூழ்நிலை கருதி செய்யும் சமரசங்கள் அன்றி திருத்தங்கள் அல்ல... உன்னை எப்போது அடுத்தவர் முன் விட்டுத் தருகிறானோ, அன்றே இழக்கிறாய் நீ அவன் மனதின் மரியாதைக்குரிய இடத்தை... உன் கண்ணீர் கண்டு இறங்காதவன், தன் தவறை உணர்ந்து திருந்தாதவன், உன் கவலைக் குறித்து கலங்காதவன், உன் அண்மை தொலைத்து உருகாதவன் உனக்கு ஒருபோதும் உரித்தானவன் அல்ல...! அவனை எண்ணி எங்குவதும், பிரிவை ஏற்க தயங்குவதும் இங்கு நீ ஏற்றுக் கொள்ளும் சிறைவாசம், உன் உணர்விற்கு விதிக்கும் கடுங்காவல் தண்டனை...! பிரிந்து செல்ல தயங்க...

மானம் மரியாதைக்காக கொலை பண்ணோம்-நு கௌரவமா சொல்ல மாட்டாங்க இல்லையா மச்சா? என தொடங்கி எத வேணாலும் நம்ம கிட்ட இருந்து எடுத்துக்கலாம் படிப்ப தவிர, ஒரே மொழி பேசுகிறோம் ஒரே நாட்ல வாழ்றோம் இது போதாதா ஒண்ணு சேர எனும் கடைசி வரி வரை ஒவ்வொரு வசனத்திலும் அத்தனை அர்த்தம் இயல்பாய் ஒன்றி வருவது பாராட்டுக்குரியது... தனுஷ் நடிக்கவில்லை,  தன் பிள்ளைக்காக ஊரான் காலில் விழுவதாய் இருந்தாலும் சரி, தொட்டவன் உயிரை எடுப்பதாய் இருந்தாலும் சரி ஒரு அப்பாவாக வாழ்ந்திருக்கிறார்... அவன் முன்னாடி அழல மாமா, ஆனா ரொம்ப வலிக்குது மாமா, அடிய விட அங்க இருந்த யாரும் ஒரு கேள்வி கேட்காமல் வேடிக்கை பார்த்தது...! என்று மாரியம்மா பேசும் வசனம் நம்மை சுற்றி நடக்கும் தீண்டாமையும், அநியாயங்களையும் தட்டி கேட்காமல் வேடிக்கை பார்க்கும் நம் அனைவருக்கும் செருப்படி..! படத்தில் பார்க்கவே இப்படி இருக்கே இதை தினம் அனுபவிப்பவர்கள் இன்னும் இருக்கிறார்கள்..  தன் குடும்பத்திற்காக தன் அசூரத்தனம் அனைத்தையும் அடக்கி ஆளும் அப்பாக்கள் இங்கு எராளம்..! அசுரன்... நமக்குள் புதைந்திருப்பவனை திரையில் பார்த்த திருப்தி ❤️ #ஆர்த்தி #கிறுக்...

இனிய பிறந்தநாள் வாழ்த்துக்கள் டீனா❤️❤️❤️ தங்கை கொண்ட தமக்கைகள் மட்டும் விரைவில் தாய்மை நிலை அடைந்து விடுகின்றனர்... பிஞ்சு விரல்களுடன், பட்டு ரோசாப்பூ நிறத்தில், ஒரு குட்டி மெழுகு பொம்மை போல் துணியில் சுற்றி கிடந்த அவளை முதன்முறை பார்த்த போது ஏனோ வெறுப்பு மட்டுமே... எந்நேரமும் என்னை மட்டுமே சுற்றி திரிந்த அம்மா இவள் கருவில் தெரிந்த நாள்தொட்டு அன்பையும், பரிவையும் பங்கிட்டதை, அன்றே ஏதோ ஒரு வகையில் மனம் உணர்ந்துள்ளது... நான்கு நாட்கள் நிலைகொள்ளவில்லை அந்த கோபம்... பொக்கை வாய் காட்டி சிரித்து, சின்னஞ்சிறு கையசைத்து, என்னோடு உயிருள்ள உணர்வுள்ள சிறு பொம்மை விளையாடும் போது ஏனோ அந்த குட்டி சிலையை யாரும் தீண்டவும் விடாது காக்கத் துவங்கிவிட்டேன்.. முதல் வாய் சோறு முதல், முதல் நாள் கல்லூரி வரை எங்கும் எதிலும் நானே அவளின் முதல் போக்கிடம்... அம்மா திட்டுவார் என்பதை விடவும் அம்மாவிடம் சென்று அக்கா என்ன செய்வாள் என்பதே அவளின் பெரும் கவலை... பிள்ளையாய், தோழியாய், சகோதரியாய், சில நேரம் தாயாய் என்னோடு பிறப்பு முதல் இந்நாள் வரை உடனிருக்கும் தேவதையாய், என்றும் எதிலும் நான் பெறாமல் பெற்ற முதற்...

மறக்க முடியா உயிர் நீ, மறுக்க இயலா மெய் நீ, தடுக்க முடியா வல்லினம் நீ, தவிர்க்க முடியா மெல்லினம் நீ விலக்க முடியா இடையினம் நீ..! என் அமுதே, என்னுள் கலந்த தமிழே, உனையன்றி வேறு மொழி அறியேன் நான் ❤️❤️❤️

இனிய பிறந்தநாள் வாழ்த்துக்கள் Dadddyyyyyy ❤️❤️❤️ ஒரு பெண் தனக்கு எத்தகு குணம் கொண்ட கணவன் வேண்டும் என்ற எதிர்பார்ப்பை தந்தையை கொண்டே முடிவு செய்கிறாள்..! சமையல் முதல் வீட்டு வேலைகள் அனைத்திலும் சரிபாதி பொறுப்பெடுத்து செய்வதில் என் தந்தைக்கு நிகர் அவர் மட்டுமே...! பெண்பிள்ளைகள் மீது தகப்பனுக்கு என்றுமே பாசம் அதிகம், அப்பாவிற்கு எங்களை பெற்றதில் கொஞ்சம் கர்வமும் கூட.. எங்களுக்காக யாரையும் எதற்கும் எதிர்த்து நிற்பார், தேவைபட்டால் விலக்கியும் வைப்பார்... எனக்கான உடையில் இருந்து உணவு வழக்கம் வரை அனைத்திலும் அவரின் தாக்கம் உண்டு... சுதந்திரம் மட்டுமன்றி அதை எத்தனை நேர்த்தியாய் பயன்படுத்த வேண்டும் என்பது வரை ஒற்றை வரியில் உணர்த்தி விடும் கலையை எங்கு தான் பயின்றாரோ..! ஒவ்வொரு விடயத்தையும் அவர் கையாளும் விதமே தனி தான்.. பாலாஜியை பலமுறை பார்த்து பழகி இருக்கிறார், திடீரென ஒரு நாள் இவரை நான் மணமுடிக்க விரும்புகிறேன் என்றதும் ஒரு வினாடி அமைதியின் பின் சரி அழைத்து வா அனைவரும் இரவு உணவுக்கு வெளியே செல்வோம் என்ற ஒற்றை வரியில் சம்மதம் சொல்லும் நேர்த்தி அவருக்கே உரித்தானது.. யாரேனும் அவர...

பிறந்தநாள் வாழ்த்துக்கள் தேவிமா ❤️❤️❤️ ஒவ்வொரு காலகட்டதிலும் ஒவ்வொரு உறவாய், அனைத்திலும் அன்பின் உருவாய் பயணிக்கும் தேவிமா ❤️❤️❤️ ரொம்ப பாசமா உணர்ந்தா இப்படி கூப்பிடுவேன், இல்லனா மம்மி, வாடி, போடி நு இஷ்டம் போல... எனக்கு 5 வயசு அப்போ, என் அம்மா வயத்துல தங்கச்சி 6 மாசம் கால் வலிக்குதா நு, வலிய கேட்டு தூக்கிட்டு போனது இப்பவும் கனவு மாதிரி அடிக்கடி கண்முன்னே வந்துட்டு போகும்... ஆனா அம்மா எவ்ளோ பாசமா இருந்தாலும் அதுல ஒரு கண்டிப்பு இருக்கும், இந்த நாள் வரைக்கும் ஒத்த பார்வைல என்ன சொல்ல வராங்க நு புரிந்து அதுக்கு ஏத்த மாதிரி நடந்துகுவேன் என்னையே அறியாம..! தினம் பள்ளிக்கூடம் விட்டதும் நேரா சமயலறைக்கு போய், தேவிமா சோறு ஊட்ட ஊட்ட அன்னைக்கு முழுசும் நடந்த கதை ஒண்ணு விடாம அரைமணி நேரத்துக்கு கதை சொல்லும் வழக்கம், அப்போ தொடங்கி இப்பயும் மாறவில்லை..! எனக்கு சின்ன காயம் பட்டாலும் பெருசா அவ கண்ணுல இருந்து கண்ணீர் கொட்டும்.. தோளுக்கு மேல வளந்ததும் நான் தேவிமா-கு பெஸ்ட் பிரண்ட்... என்ன கேட்டு தான் எல்லாம் முடிவும் எடுபாங்க.. எல்லாத்துலயும் ஒரு குழந்தைத்தனம் இருக்கும்.. கல்யாண மண்டபம் க...